අම්මිලත් එක්ක නිදි වැදීම සහ තාත්තිලයි අප්පච්චිලයි එක්ක හැමිනීම.....

             

සමහර තාත්තලා තමන්ගෙ දියණියන් අඹු කමට ගන්න එක ඉතිහාසෙ පුරාම සිද්දවෙලා තියෙන බව ඇත්තක් නොවෙන්නං. වාලුකා කාන්තාරේ ඔටු රටවල රස්සාවලට එන සමහර  අම්මලාගේ දියණියන් තාත්තලාගේ ලිංගික ආශාවන් සපුරා ගැනීමට බිලි වෙන කතාව ඊටත් වඩාත් ප්‍රසිද්ධයි. ඇත්තත් ඒකම තමයි.

අම්මලා තමන්ගෙ පුතුන් වාහේ කමට ගන්නා බවක් නම් දැන ගන්නට නැති තරම්. එහෙම වෙන්නේ තමන්ගේ කුසෙන් වදා ලේ කිරි කර පොවා ඇතිදැඩි කළ දරුවා පිළිබඳ තමන්ගෙන් ඉවත් කළ නොහැකි බැඳීමක් අම්මලාට තියෙන නිසා වෙන්නට පුළුවං ආයිබං.

ඒ වුණාට අම්මලා පිළිබඳ උත්පත්තියේ ඉඳන්ම කිසියම් ලිංගික බැඳීමක් පුත්තුන් තුළ අවිඥානිකව පවතින බව “ ඊඩිපස් සංකීර්ණය“ වගේ සංකල්ප හරහා පිළිගැනෙන  බව ඔටුවා අහල තියෙනවා.

මේ ඔටුවන්ට නම් ඕවා තේරෙන්නෙ නැත්තේ මෙවුන්දම් සෙවීමේදී ඥාති සම්බන්ධතා සැලකීමට තිරිසනා උනන්දු වෙන්නෙ නැති හංදයි ඕං.

මිනිසා තිරිසනාගෙන් වෙන් කොට ගැනෙන එක් නිදර්ශනයක් වෙන්නෙත් මේ ශික්ෂිත බවම නොවෙන්නං.

දරුවන් දෙමාපියන්, සහෝදර සහෝදරයන් පමණක් නොවෙයි....... මාමලා, ලේලිලා, නැන්දලා, බෑනලා අතර පවා ලිංගික බැඳීම් ඇතිවීම මිනිස් සමාජය සලකන්නේ අශික්ෂිත කාරණාවක් හැටියට තමයි.

සෙරන්ඩිබ් ඔටුවාට මේ අටුවා ටීකා ටිප්පනි ලියන්නට සිද්ද වුණේ මෑත ඉතිහාසයක මිනිස් පවුල තුළ වර්ධනය වන කිසියම් ප්‍රවනතාවක් ගැන කියන්නටයි.

ලාංකික ජන සමාජයේ විශේෂයෙන් සෝබන චරියාවෙන් යුතු මැද පාංතික පවුල් වල පියා සහ මව එකිනෙකා ආමන්ත්‍රණය කර ගන්නා හැටි ඇහුවාම ඔටුවෙකුට වුණත් ඇති වන්නේ හිරිකිතයක්මයි.

සෙරන්ඩිබ් දේශයේ පදිංචි ඈයෝ වගේම එහේ ඉඳං වාලුකා කාන්තාරෙට ඇවිත් ඉන්න ජනී ජනයාගේ ගෙවල් වල පවා 

ගෙදර උන්දෑ තම මනුස්සයා අමතන්නේ තාත්ති

නැත්නම් අප්පච්චි කියලයි. ඒ වගේම ගෙදර මනුස්සයා කිසිම 

හිරිකිතයක් නැතිව තම ඇඹේනියටත් කියන්නේ අම්මි

කියලයි.
         

දරුවන් කුඩා කාලෙදි පැටවුන්ට තමන්ගෙ දෙමාපියන් ඇමතීම හුරු කොරන්නටයි කියමින් පටන් ගත් අම්මී, තාත්තී, අප්පච්චී භාෂාව දීග තලග දෙන වයසේ දරුවන් සිටින තාත්තලා, අම්මලා, අප්පච්චිලා එකිනෙකා අමතන්නට යොදා ගන්නා කොට නං විලිලැජ්ජාවේ පණ යනව බොලල්ලා.

අම්මා එක්ක නිදි වැඳීම තිරිසන් වැඩක්ය.

ඒත් මේ තාත්තිලා නම් රෑට නිදිවදින්නේ අම්මිලා එක්කය.

         


තාත්තා නැත්තං අප්පචචි එක්ක හැමිනීමද තිරිසන්

වැඩක්මය. 

ඒත් මේ අම්මිලා දවල් රෑ නැතිව හැමනෙන්නේ තාත්තිලා නැත්නං අප්පච්චිලා සමඟය.

         

අනේ කාලේ වනේ වාසේ කියන්නේ මේවාටය.

අදට ඔය මදැයි.

තරහා අවසර ආයිබං........!

-සෙස්ස පස්සට ෴

- සෙරන්ඩිබ් ඔටුවා