වෙඩි නොතබා පළවා හරිමු..!

 

රිළවුන්, වඳුරන් ගහණය වැඩි වී සකල ශ්‍රීලංකාවාසීන්ගේ ජන ජීවිතය විනාශ කරද්දී, යුරෝපයේ මෙන් සමතුලිතතාව රැකීම සඳහා උං වෙඩි තබා මරා නොදමා ලංකාව වටා ඇති දූපත් වලට ගෙන ගොස් මුදාහැරීම හොඳ තීන්දුවක්.

ලංකා දූපත වටා ඇති මන්නාරම, යාපනය, ත්‍රිකුණාමලය, මඩකළපුව, පුත්තලම වැනි කළපු ආශ්‍රිතව දූපත් විශාල ප්‍රමාණයක් තියෙනවා. පෙරියතිව්, මාන්තිව්, කකරෙයිතිව්, පුලියන්තිව් හා පිජන්, බෆලෝ, සෝබර් වැනි දූපත් රාශියක් ඒ සඳහා ප්‍රයෝජනයට ගන්න පුළුවන්.

මීට විරුද්ධ වන සංවිධාන වෙත්නම් ඔවුන්වත් එහි පදිංචි කරමු. එසේම සතුන්ට ආහාර පාන දීමට උනන්දු අයට පළතුරු, එළවළු ආදිය රැගෙන දූපත් වෙත යන්න බෝට්ටු සේවා සංවිධානය කළ හැකියි.

ඒ වගේම වල් අලි මිනිස් ජනාවාස වලින් කැළේට පළවා හැරීමේ තීන්දුවට එරෙහි සංවිධානවලට නිකරුණේ කොළඹ අව්වේ වේලෙන්නේ නැතිව වල් අලි ගැවසෙන අනාරක්ෂිත ගම්මාන අද්දරට ගොස් පිකටින් කරන්නට අවස්ථාව සැලසිය යුතුයි.

-සිතන්නා-

කපුගේ ගැයූ 'කම්පන'හි ගීතය 'පන්සල් වැලපිල්ල'

                                      පන්සල් වැලපිල්ල

ගුණදාස කපුගේ විසින් සංගීතවත් කරන ලද 'පන්සල් වැලපිල්ල' ගීතය ඔහුගේ 'කම්පන' සංගීත ප්‍රසංගයේදී ගායනා කරන ලද ගීතයකි. මෙම ගීතය රත්න ශ්‍රී විජේසිංහ විසින් රචනා කරන ලද්දකි.

1988 ඔක්තෝම්බර් 22 වැනිදා පැහැර ගනු ලැබූ වෛද්‍ය ශිෂ්‍ය ත්‍රිමා විතාණ ඝාතනය පදනම් කර ගත් 'පන්සල් වැල්පිල්ල' - ගීතය ඉතා සංවේදී එකක් වන්නේ සැබැවින්ම ත්‍රිමාගේ ඝාතනය එවකට බොහෝ තරුණ ජීවිත ඝාතනය කෙරුණු ආකාරය පෙන්වන ඉතා සාහසික ඝාතනයක් වීම හේතුවෙනි.

වැල්ලවාය, කොස්ලන්ද මාර්ගය අසලදී ත්‍රිමා විතානට වධ හිංසා කොට, ඔහුගේ සිරුර සිගරට්වලින් පුළුස්සා, නියපොතු ගලවා, යටිපතුල් ගැලවී, ඇස් උගුල්ලා දමා, පරාල ඇණ හිසට ගසා කඹයක් බැඳ ජීප් රථයකින් පාර දිගේ ඇදගෙන ගොස් පුළුස්සා දමා ඇති බවට අනාවරණය වූවකි.

(මෙම සටහන මිරර් ආට්ස් වෙබ් අඩවියෙන් උපුටාගත් කොටසකි.)

පසුව ලියමි: ත්‍රිමා විතාන ඝාතනය කළේ රත්නපුර දිස්ත්‍රික්කයේ හිටපු පාර්ලිමේන්තු මංත්‍රී සුසන්ත පුංචි නිලමේ ගේ අනුදැනුම හා මෙහෙයවීම යටතේ බව ප්‍රකටය.

-සිතන්නා-

රනිල් ! දෙන දෙයක් කාලා වෙන දෙයක් බලන් ඉඳහං...

 

රනිල් වික්‍රමසිංහ ජනතාව අමතා කළ ප්‍රකාශය ගැන මගේ විවේචනය මෙවර කතා කෝච්චියෙන්.

පරාජිත රනිල් ජනතාව ඇමතීමට සිතනවා යනු නුදුරේ යළි ජනාධිපති වෙන්න ලැබෙනවා යන සිහිනයේ සිටීමයි.

රනිල්...දෙන දෙයක් කාලා හිටහන්

-සිතන්නා-

ධම්මික මහත්තයා අව්‍යාජ සටන්කාමියේ

"ආනන්ද අව්‍යාජ සටන්කාමියෙකු ලෙස සමාජගත වීමට පුරෝගාමී වූ" යනුවෙන් සඳහන් කොට මගේ සේයාරුවක් එක්ක ලිපියක් පත්තරේක පළ වුණේ අවුරුදු 10 ට කලින්.

ආනන්ද ඉඩමේගම සරසවි සගයා මා ජවිපෙ අන්තරේට නොව ජවිපෙ යන්තරේට සම්බන්ධ කළ මගේ දේශපාලන ගමන් සගයා තමයි. ඒත් ඔහු සමාජගත කරන්නට මං එහෙමට දෙයක් කරලා නෑ. ලිපියක් දෙකක් ලියලා තියෙනවා. මේ සමඟ පළවෙන්නෙ විදේශයේ සිට බෙදාහැරිය රහස් ප්‍රකාශන වල ආනන්ද ගැන නොනමින් පළ වූ ලිපි දෙකක්.

ඉඩමේ නොහොත් ධම්මික මහත්තයා අව්‍යාජ සටන්කාමියෙකු ලෙස සමාජගත වෙන්නේ ඔහු සමාජය එක්ක ගනුදෙනු කළ ආකාරයෙනුයි. විශ්වවිද්‍යාලයේ පමණක් නොව බාහිර සමාජයේද ඔහු ප්‍රසිද්ධ සටන්කාමියෙක්. අතිශය දරුණු මිනීමරු යුගයක රුක්මන් සේනානායකගේ කපුකමින් ප්‍රේදාස ජනාධිපති එක්ක සාකඡාවට ගිය කණ්ඩායම මෙහෙය වූයේත් ධම්මික මහත්තයා තමයි.

ඔවුන් සිය අනන්‍යතාව සුරැකෙනු පිණිස මුහුණු ආවරණය කරගෙනයි මිනීමරු ප්‍රේමදාස හමුවට ගියේ. මේ සමඟ පළවන සේයාරුවත් එහෙම වෙනත් සාකච්ඡාවකට පිරිසක් ගිය අවස්ථාවක ගත් එකක්. එහෙමයි එදා ජවිපෙ ශිෂ්‍ය නායකයින් හා දේශපාලන මණ්ඩල සභිකයින් අවදානම් ගත්තේ.. 

-සිතන්නා-

සිහිනයෙන් අවදි වෙමු.

ජයග්‍රහණය භුක්ති වින්දා ඇතිය.

ජයපැන් බිව්වා ඇතිය.

යාළු මිත්‍රයින් එක්ක සතුට බෙදාගත්තා ඇතිය.

මදි වගේ නම් ඒ ගමන්ම සිහිනයෙන් අවදි වෙමු.

අලුත් ඉරක් පායා ඇත. එහි නැවුම් ආලෝකය දසත පැතිරේ. ඒ නිසා වේලාසනින් අවදි වී වැඩ පටන් ගත යුතුයි. අප සිහින දකින නිමේශයේ සතුරා වැඩට බැස ඇත.

ඔවුන් තුෂ්ණිම්භූත වූ වේගයෙන්ම ප්‍රහාරයට බර අවි සකසමින් සිටී. එහෙයින් ජාජබ බලයට ගෙනෙන්නට කැප වූ මුළුමහත් පුරවැසි සමූහයට ඇත්තේ විශාල වගකීමකි. දැවැන්ත ඉලක්කයකි. මෙය තේරුම් නොගෙන සිඟිති ආතල් ගැනීම නතර කළ යුතුය.

වරදවා වටහා නොගන්න. මා අමතන්නේ පාලකයින් නොවේ. වර්තමාන පාලකයින් පුරවැසියාට ඉදිරියෙන් සිටී. දැන් පුරවැසියා ඔවුන් පසුකොට යන්නට වෙර දැරිය යුතුය.

ඉදිරි මහ මැතිවරණය අතිශයින් තීරණාත්මකය. ලද ජයග්‍රහණයේ ඵල භුක්ති විඳිය හැක්කේ විශිෂ්ට ජජයග්‍රහණයක් මතිනි. සියලු විරුද්ධවාදීන් බලමුළු ඒකරාශී කිරීමට දහංගැට ගහද්දී අපි එකිනෙකාට විශාල වගකීමක් ඇත.

අනුර කුමාර දිසානායකට රට ගොඩ නැගීමේ පැහැදිලි දැක්මක් ඇත. ඔහු වටා සිටින නායකයින්ද ඊටම සරිලන සේ උර දෙමින් සිටී. අප කළ යුත්තේ මුළු මහත් සමාජය ඊට අලගු තබන්නට එක් ඉලක්කයකට මෙහෙයවීමය. එසේ නොමැතිව අනුරට කකතිරය ගැසූ මෙන්ම නොගැසූ බකපණ්ඩිතයින්ගේ හිස්ප්‍රලාප වලින් සෙතක් නැත.

විවේචන, යෝජනා, චෝදනා මදක් පසෙකට කර ඉදිරි මහමැතිවරණයේදී වැඩි නියෝජිතයින් සංඛ්‍යාවක් පාර්ලිමේන්තුවට තෝරා පත් කරගත යුතුය. කෝටියේ ඉලක්කය අවශ්‍ය වන්නේ දැන්ය.

ජාජබ වෙත පාර්ලිමේන්තුවේ 2/3 ක බලයක් නොදී මේ සිස්ටම් එක චේන්ජ් කළ නොහැක. විනාශකාරී, ප්‍රෝඩාකාරී, ත්‍රාඩ පාලනයක් ඇති කළේ 5/6 ක, 2/3 ක පාර්ලිමේන්තු බලයකින් බැවින් වළේ වැටුණු එකා වළ කටෙන්ම ගොඩ ඒමේ න්‍යාය අනුව එවන් බලයක් ලබා දිය යුතුය.

ඉන් මෙහා ජාජබ නායකයා ජනාධිපති කිරීමෙන් පමණක් සිස්ටම් චේන්ජ් කළ නොහැකි බව අප තේරුම් ගත යුතුය.

සිහිනයෙන් අවදි වී අති ප්‍රබල ජාජබ ආණ්ඩුවක් බිහි කරමු.

-සිතන්නා-

2024 ජනාධිපතිවරණය පිළිබඳ මගේ අවසන් පුරෝකථනය...

සැලකිල්ලට ගත් දත්ත..

1. මෙතෙක් පැවැති ජනාධිපතිවරණයන්හිදී ලබා දුන් ඡන්ද ප්‍රතිශත-

1982 ජේ.ආර්. -52.91%

1988 ප්‍රේමදාස -50.43%

1994 චන්ද්‍රිකා - 62.28%

1999 චන්ද්‍රිකා - 51.12%

2005 මහින්ද - 50.29%

2010 මහින්ද - 57.88%

2015 සිරිසේන -51.2%

2019 ගෝඨාභය -52.25%

ඉහත සෑම අවස්ථාවකදීම ඡන්ද සටන පැවැතියේ දෙදෙනෙකු සමඟය.

==============

සැලකිල්ලට ගත් දත්ත..

2. 2015 හා 2019 ලැබුණු ප්‍රකාශිත ඡන්ද පිළිවෙළින් 81.52% හා 83.72% වේ.

3. 2015 හා 2019 ලැබුණු අවලංගු ඡන්ද පිළිවෙළින් 1.15% (140,925) හා 0.85%(135,452) වේ.

4. 2015 හා 2019 ලැබුණු මුළු වලංගු ඡන්ද සංඛ්‍යාව පිළිවෙළින්

80.5%[12,123,452],

82.87%[13,252,499]

වේ.

===================

ඇතිවෙමින් පවතින උනන්දුව මත මෙවර ලියාපදිංචි ඡන්ද සංඛ්‍යාව වන 17,140,354 න් 84% ක් ඡන්දය පාවිච්චි කරනු ඇතැයි අනුමාන කරමු. එය 85% වන්නටද ඉඩ ඇත. එනම් ඡන්ද 14,569,300 කි.

එසේම අවලංගු ඡන්ද සංඛ්‍යාව 171,403, එනම් 1% වන්නේ නම් මුළු වලංගු ඡන්ද සංඛ්‍යාව 14,397,897 ක් වේ.

වෙනත් ආකාරයකින් කියන්නේ නම් 2024 ජනාධිපතිවරණයේදී මුළු වලංගු ඡන්ද ප්‍රමාණය එක් කෝටි හතළිස් තුන් ලක්ෂ අනූහත් දහස් අටසිය අනූහතකි.

==================

ප්‍රධාන අපේක්ෂකයින් දෙදෙනා වන සජිත් හා අනුර අතරත්, ඊළඟ පෙළේ සිටින රනිල් හා අනුර අතරත්, අවශේෂ පිරිස අතරත් බෙදී යනු ඇත්තේ ඡන්ද 14,397,897 කි. දළ වශයෙන් 14,400,000 කි

මෙයින් 50% ඡන්ද හැත්තෑ දෙලක්ෂයකි{7,200,000}.

=================

අලුත් ඡන්ද 876,796 න් ප්‍රකාශිත ඡන්ද 85% හා අවලංගු 1% අඩු කළ විට වලංගු ඡන්ද සංඛ්‍යාව 737,824 කි.

මෙයින් ලක්ෂ 5 ක් අනුරටද, 70,000 ක් සජිත්ටද, ලක්ෂයක් රනිල්ටද, ඉතිරි 17824 අනෙක් අපේක්ෂකයින් අතරද බෙදා දෙමි.

අවසන් ජනාධිපතිවරණයේදී ගෝඨාභය ලබාගත් ඡන්ද 6,924,255 න් විශාල පංගුවක් අනුරටද, ඊළඟට සැලකිය යුතු ඡන්ද ප්‍රමාණයක් නාමල්ට හා රනිල්ටද ලබා දී ඉතිරිය අනෙක් අපේක්ෂකයින් අතර බෙදා දෙමි. කලකිරීමට පත්ව ඡන්දය නොදෙන පිරිසක්ද ඇත.

ඉන් පසුව ඒ ඒ ඡන්දාපේක්ෂකයින්ගේ පදනම් ඡන්දද සැලකිල්ලට ගෙන, සහයෝගය ලබා දෙන දෙමළ, මුස්ලිම්, වතුකරයේ හා වෙනත් ඡන්දද උපකල්පනය කිරීමෙන් පහත නිගමන වලට පැමිණ ඇත.

================

වලංගු මුළු ඡන්ද සංඛ්‍යාව වන 14,400,000 න්

අනුර - 6,480,000 [45%]

සජිත් - 5,040,000 [35%]

රනිල් - 1,460,000 [10.2%]

නාමල් - 950,000 [6.6%]

වෙනත් - 460,000 [3.2%]

ලෙස දළ වශයෙන් ඡන්ද ලබා ගනු ඇතැයි පුරෝකථනය කරමි.

පළමු වටයේ ඡන්ද වලින් අනුර බොහෝ ඉදිරියෙන් සිටින බැවින් 50% ඉක්මවා නොගියද දෙවන වටයේ මනාප වලින් සජිත්ට අනුර අබිබවා යා නොහැකිය.

-සිතන්නා-

රටේ සල්ලි කන ජනාධිපති උපදේශකයෝ , විශේෂ සහායකයෝ හා අධ්‍යක්ෂ ජනරාල්ලා

 

ජනාධිපති කාර්ය මණ්ඩලයේ විවිධ උපදේශක, අධ්‍යක්ෂ ආදී පත්වීම් ලබා දී මහජනතාවගෙන් වැටුප් ලබන්නන් 92 කගේ ලේඛනය

ජනාධිපති උපදේශකයෝ සහ විශේෂ සහායකයෝ

1. අකිල විරාජ් කාරියවසම්, ජනාධිපති ජ්‍යෙෂ්ඨ උපදේශක - විමධ්‍යගත පරිපාලන,

2. රුවන් විජේවර්ධන, ජනාධිපති ජ්‍යෙෂ්ඨ උපදේශක දේශගුණ විපර්යාස,

3. ආර්. එච්. එස්. සමරතුංග, ජනාධිපති ජ්‍යෙෂ්ඨ ආර්ථික උපදේශක - ආර්ථික ස්ථාවරත්වය ප්‍රකෘතිමත් වීම සහ වර්ධනය.

4. ආචාර්ය සුනන්ද මද්දුම බණ්ඩාර, ජනාධිපති ජ්‍යෙෂ්ඨ උපදේශක - මාධ්‍ය

5. මන්ත්‍රී වඩිවේල් සුරේෂ්, ජනාධිපති ජ්‍යෙෂ්ඨ උපදේශක කඳුකර දෙමළ ජනතාව ශ්‍රී ලංකා සමාජයට ඒකාබද්ධ කිරීම.

6. ප්‍රියානි විජේසේකර මිය. ජනාධිපති උපදේශක - පාර්ලිමේන්තු කටයුතු,

7. දිනේෂ් වීරක්කොඩි, ජනාධිපති උපදේශක භාණ්ඩාගාර කටයුතු,

8. බී.එම්.එස්. බටගොඩ, ජනාධිපති උපදේශක ආහාර සුරක්ෂිතතාව.

9. ජනාධිපති නීතීඥ එම්. කේ.බී.ඒ. ජේ. තිලකරත්න මිය. ජනාධිපති උපදේශක නීති කටයුතු

10. අනුර සොලමන්ස්, ජනාධිපති උපදේශක මාධ්‍ය හා සන්නිවේදන.

11. ආර්. පාස්කරලිංගම්, ජනාධිපති උපදේශක - ආර්ථික ප්‍රතිපත්ති ක්‍රීයාත්මක කිරීම.

12. ආචාර්ය සරත් රාජපතිරණ, ජනාධිපති උපදේශක - ආර්ථික ප්‍රතිසංස්කරණ.

13. නිරංජන් ජෝශප් ද සිල්වා දෙවා ආදිත්‍ය, ජනාධිපති උපදේශක - යුරෝපා, ආසියානු, අප්‍රිකානු කැරිබියන් සහ පැසිෆික් රටවල් සහ බ්‍රිතාන්‍ය කටයුතු.

14. චන්ද්‍රා ෂාෆ්ටර්, ජනාධිපති උපදේශක - උඩරට සම්බන්ධිකරණ කටයුතු.

15. සමන් අතාවුදහෙට්ටි. ජනාධිපති උපදේශත - සන්නිවේදන.

16. ආනන්ද මල්ලවතන්ත්‍රි ජනාධිපති උපදේශක - පරිසර, දේශගුණ විපර්යාස හා හරිත ආර්ථික,

17. ආශු මාරසිංහ. ජනාධිපති උපදේශක පාර්ලිමේන්තු කටයුතු,

18. තුෂාර වජිර පෙරේරා, ජනාධිපති උපදේශක - විද්‍යාත්මක කටයුතු.

19. ආර්. එස්. වීරසිංහ, ජනාධිපති උපදේශක - ජාත්‍යන්තර කටයුතු.

20. රෝසි සේනානායක, ජනාධිපති උපදේශක - පළාත් සභා කටයුතු.

21. ආචාර්ය ජී. විග්නරාජා, ජනාධිපති උපදේශක උපායමාර්ගික වෙළෙඳ ප්‍රතිපත්ති සහ පර්යේෂණ.

22. සංජීව ගාඩිනර්, ජනාධිපති උපදේශක - ව්‍යවසාය සංවර්ධන,

23. සී. පාලියද්ද, ජනාධිපති උපදේශක ආර්ථික ප්‍රතිපත්ති ක්‍රියාත්මක කිරීම.

24. ජෝන් අමරතුංග, ජනාධිපති විශේෂ සහයක.

25. ආතන්ද කුලරත්න, ජනාධිපති විශේෂ සහයක.

26. ආචාර්ය කරුණාසේන කොඩිතුවක්කු, ජනාධිපති විශේෂ සහායක.

27. චම්පිකා ප්‍රේමදාස, ජනාධිපති විශේෂ සහායක,

අධ්‍යක්ෂ ජනරාල්ලා

1. ධනුෂ්ක රාමනායක, අධ්‍යක්ෂ ජනරාල් ජනාධිපති මාධ්‍ය අංශය,

2. ජේ. එම්. එස්. එල්. බණ්ඩාර, අධ්‍යක්ෂ ජනරාල් - විශේෂ ව්‍යාපෘති.

3. තුසිත හල්ලොලුව, අධ්‍යක්ෂ ජනරාල් - මහජන සම්බන්ධතා.

4. එස්.ඒ.බී. හේරත්, අධ්‍යක්ෂ ජනරාල් - කාර්යාල මණ්ඩල ප්‍රධානී කාර්යාලය

5. සමල් සෙනරත්, අධ්‍යක්ෂ ජනරාල් - දේශපාලන කටයුතු.

7. රජිත් කීර්ති තෙන්නකෝන්, අධ්‍යක්ෂ ජනරාල් - ප්‍රජා කටයුතු.

6. සමන් රත්නප්‍රිය. අධ්‍යක්ෂ ජනරාල් - වෘත්තීය සමිති.

8. ඩබ්ලිව්. එච්. එස්. එස්.ඩබ්ලිව්. වික්‍රමසිංහ, අධ්‍යක්ෂ ජනරාල් ජනාධිපති මන්දිර, කොළඹින් බැහැර,

9. වඩිවෙල් ක්‍රිෂ්ණ මූර්ති, අධ්‍යක්ෂ ජනරාල් - විදේශගත ශ්‍රී ලංකා කටයුතු සඳහා කාර්යාලය,

10. පාලිත ලිහිණිය කුමාර, අධ්‍යක්ෂ ජනරාල් - ජාතික ජන සභා ලේකම් කාර්යාලය.

11. විශ්‍රාමික මේජර් ජෙනරාල එත් ඵලකේ. සමරසිංහ, අධ්‍යක්ෂ ජනරාල් - සංවර්ධන ව්‍යාපෘති අධික්‍ෂණ

12. බ්‍රිගේඩියර් යූ.එල්.ජේ.එස්. අධ්‍යක්ෂ ජෙනරාල් කාර්යාල මණ්ඩල ප්‍රධානී කාර්යාලය,

13. ආචාර්ය අසංක ගුණවංශ, අධ්‍යක්ෂ ජෙනරාල් සත්‍යය හා ප්‍රතිසන්ධාන යාන්ත්‍ත්‍රය සඳහා වූ අතුරු ලේකම් කාර්යාලය

සාගල රත්නායකගේ කාර්යාලය, මාධ්‍ය, ජන සභා හා අනෙකුත් තනතුරුලාභියෝ

1. රවීන්ද්‍ද්‍රහේවාවිතාරණ, ලේකම්, ජාතික ජන සභා ලේකම් කාර්යාලය.

2. කේ. ඩී. ඒ. ජී. වික්‍රමසිංහ, නීති උපදේශක කාර්ය මණ්ඩල ප්‍රධානී කාර්යාලය.

3. ඒ. එස්. විඩේසිංහ, ආර්ථික උපදේශක කාර්ය මණ්ඩල ප්‍රධානි කාර්යාලය.

4. එස්.එස්. ගනගම ආරච්චි, උපදේශක - විදේශගත ශ්‍රී ලංකා කටයුතු සඳහා කාර්යාලය.

5. කේ.ඩබ්ලිව්. ඒ. එම්. කෝකිල, අධ්‍යක්ෂ - ජාතික ජන සභා ලේකම් කාර්යාලය.

6. ටී. එම්. ජී. එන්.කේ. මඩුගල්ල, අධ්‍යක්ෂ (මාධ්‍ය) ජනාධිපති මාධ්‍ය අංශය.

7. ඩී. එම්. පියසේන, අධ්‍යක්ෂ (මුද්‍රිත මාධ්‍ය) ජනාධිපති මා අංශය.

8. ශානුක කරුණාරත්න, අධ්‍යක්ෂ - ජනාධිපති මාධ්‍ය අංශය.

9. ඩබ්ලිව්. එම්. කේ. විජය බණ්ඩාර, අධ්‍යක්ෂ - ජනාධිපති මාධ්‍ය අංශය.

10. අනෝමා මාතරගේ, අධ්‍යක්ෂ (සංවර්ධන සන්නිවේදනය) ජනාධිපති මාධ්‍ය අංශය.

11. ඩබ්ලිව්. එල්. ප්‍රදීප් සුරංග, අධ්‍යක්ෂ (මාධ්‍ය) ජනාධිපති මාධ්‍ය අංශය.

12. වරුණ දීප්ත රාජපක්‍ෂ, අධ්‍යක්ෂ (සංවර්ධන සන්නිවේදන) ජනාධිපති මාධ්‍ය අංශය.

13. කේෂාල් ජයසිංහ, අධ්‍යක්ෂ (ඩිජිටල් මාධ්‍ය) ජනාධිපති මාධ්‍ය අංශය.

14. කේ. ජී. එස්. මධුසංක, අධ්‍යක්ෂ (දේශපාලන කටයුතු සම්බන්ධීකරණය) කාර්ය මණ්ඩල ප්‍රධානී කාර්යාලය.

15. වයි. ආර්. එච්.වී. බණ්ඩාර, අධ්‍යක්ෂ (විද්‍යූත් මාධ්‍ය) විශේෂ ව්‍යාපෘති අංශය.

16. බී.කේ. සුගත් කුමාර, අධ්‍යක්ෂ (තොරතුරු) ජනාධිපති මාධ්‍ය අංශය.

17. එම්. එම්. පුෂ්ප කුමාර, අධ්‍යක්ෂ (පහසුකම්) ජනාධිපති මාධ්‍ය අංශය.

18. සී. එස්. ගුණවර්ධන, අධ්‍යක්ෂ (ඡායාරූපකරණය හා නිර්මාණාත්මක ඡායාරූපකරණය),

19. ඩී.එස්. හෙට්ටිආරච්චි, අධ්‍යක්ෂ (ඉංජිනේරු) ජනාධිපති මාධ්‍ය අංශය.

20. වී.එස්. ආර්. කොඩිතුවක්කු, අධ්‍යක්ෂ (ඉලෙක්ට්‍රෝනික හා මෙහෙයුම්).

21. එච්. එම්. ෂේන්, අධ්‍යක්ෂ - ජනාධිපති මාධ්‍ය අංශය.

22. මංගල සමරසිංහ දිසානායක, අධ්‍යක්ෂ - (නව මාධ්‍ය) ජනාධිපති මාධ්‍ය අංශය.

23. අකංලක හෙට්ටිආරච්චි, අධ්‍යක්ෂ - ජාතික ජන සභා ලේකම් කාර්යාලය.

24. සී. ඩබ්ලිව්.එස්. ෆොන්සේකා අධ්‍යක්ෂ - ජාතික ජන සභා ලේකම් කාර්යාලය.

25. වී.ඩී. කේ. ගුණවර්ධන, අධ්‍යක්ෂ - ජාතික ජන සභා ලේකම් කාර්යාලය.

26. පී.ඩී. චමින්ද කුමාර, අධ්‍යක්ෂ - ජාතික ජන සභා ලේකම් කාර්යාලය.

27. වයි. එන්. සුදසිංහ, අධ්‍යක්ෂ - (නිර්මාණාත්මක) ජනාධිපති මාධ්‍ය අංශය.

28. ඒ. ඩබ්ලිව්.ඩී. පුෂ්ප කුමාර, අධ්‍යක්ෂ (ඩිජිටල් මාධ්‍ය) විශේෂ ව්‍යාපෘති අංශය.

29. අශෝක ලාල් සිගේරා, අධ්‍යක්ෂ - ජනාධිපති මාධ්‍ය අංශය.

30. එම්. ජී. ජයතිස්ස, අධ්‍යක්ෂ (තොරතුරු) ජනාධිපති මාධ්‍ය අංශය.

ජනාධිපති සම්බන්ධීකරණ ලේකම්වරු සහ අධ්‍යක්ෂවරු

1. සුනිල් රම්‍යවංශ ජාගම්මන, ජනාධිපති සම්බන්ධීකරණ ලේකම්,

2. සුජිත් ක්‍රිෂාන්ත අක්කරවත්ත, ජනාධිපති සම්බන්ධීකරණ ලේකම් (බෞද්ධ කටයුතු).

3. කේ. ඒ. ජී. මංජුයි, ජනාධිපති සම්බන්ධකරණ. ලේකම් - බෞද්ධ කටයුතු (විශේෂ ව්‍යාපෘති)

4. ජේ. ඒ. සුනිල් ප්‍රේමසිරි. ජනාධිපති සම්බන්ධීකරණ ලේකම්,

5. කේ.ඒ.ඩී .එස්, සෙබස්තියන්, ජනාධිපති සම්බන්ධීකරණ ලේකම්.

6. සමන් කබ්‍රාල් විජේතුංග, සම්බන්ධීකරණ අධ්‍යක්ෂ - ජනාධිපති මාධ්‍ය අංගය.

7. සජන සූරියආරච්චි, සම්බන්ධීකරණ අධ්‍යක්ෂ ජනාධිපති මාධ්‍යය.

8. ඩබලිව්.ඩී. පැතුම් පතිරණ, සම්බන්ධීකරණ අධ්‍යක්ෂ - ජනාධිපති පෞද්ගලික ලේකම් කාර්යාලය.

9. පී.එස්. ලක්මාල්, සම්බන්ධීකරණ අධ්‍යක්ෂ ජනාධිපති පෞද්ගලික ලේකයි කාර්යාලය.

10. එම්. ඒ. එල්. මහින්ද මානෙලුව, සම්බන්ධීකරණ අධ්‍යක්ෂ - ජනාධිපති පෞද්ගලික ලේකම් කාර්යාලය.

11. පී.ආර්.වී.සී. ප්‍රනාන්දු, ව්‍යාපෘති කළමනාකරු උපදේශක - ජාතික ජන සභා ලේකම් කාර්යාලය,

12. දීප්ති ප්‍රමිතා අධිකාරී, නියෝජ්‍ය අධ්‍යක්‍ෂිකා - ජනාධිපති මාධ්‍ය අංශය.

13. සුභාෂ් වීරතුංග ජයවර්ධන, නියෝජ්‍ය අධ්‍යක්‍ෂ - ජනාධිපති මාධ්‍ය අංශය.

14. සී. සම්පත් කොඩිකාර, නියෝජ්‍ය අධ්‍යක්‍ෂ - ජනාධිපති මාධ්‍ය අංශය,

15. ඩී. එම්. එස්. චතුරංග අල්විස්, නියෝජ්‍ය අධ්‍යක්‍ෂ (විද්‍යුත් මාධ්‍ය) ජනාධිපති මාධ්‍යඅංශය,

16. කේ. හරේන්ද්‍ර නියෝජ්‍ය අධ්‍යක්‍ෂ (කර්තෘ මණ්ඩල - දෙමළ) ජනාධිපති මාධ්‍ය අංශය.

17. සඳුන් අරෝෂ ප්‍රනාන්දු, නියෝජ්‍ය අධ්‍යක්‍ෂ (කර්තෘ මණ්ඩල ඉංග්‍රීසි) ජනාධිපති මාධ්‍ය අංශය.

18. ඒ.අයි.එස්. බී. මුණසිංහ, නියෝජ්‍ය අධ්‍යක්‍ෂ - ජනාධිපති මාධ්‍ය අංශය.

19.පී.එච්.පි.ටී. පුංචිහේවා, නියෝජ්‍ය අධ්‍යක්‍ෂ (මාධ්‍ය සම්බන්ධීකරණ) ජනාධිපති මාධ්‍ය අංශය.

20. එස්.ජේ.එම්, ලියනගේ, නියෝජ්‍ය අධ්‍යක්‍ෂ - ජනාධිපති මාධ්‍ය අංශය

21. ජේ.පී. සමන්තිලක බණ්ඩාර, සහකාර අධ්‍යක්ෂ - ජනාධිපති මාධ්‍ය අංගය.

22. ටී. ශානිකා නිලංගනී ප්‍රනාන්දු, සහකාර අධ්‍යක්ෂ ජනාධිපති මාධ්‍ය අංශය.

-සිතන්නා-

නොකළ යුතු දේවල් වුණා. කණගාටුයි.!

 "88/89 කාලයේ නොකළ යුතු දේවල් වුණා. කණගාටුයි."

රෙස්පෙක්ට්.

පමා වී හෝ අපට අපේ ජීවිත කණපිට ගහලා බලන්න අවස්ථාවක්.

සිරි ලංකාවේ පගාව නීතිගත කරනු...!

රියැදුරු බලපත්‍ර අලුත් කරගත්ත වේරහැර මෝටර් ප්‍රවාහන දෙපාර්තමේන්තුවේදී ලද අත්දැකීමක්.

ප්‍රසිද්ධියේ පගාව ඉල්ලීම, ප්‍රසිද්ධියේ පගාව ගැනීම හා අප වැනි දුරබැහැරින් පැමිණි රියැදුරන්ට කිසිදු රස්තියාදුවක් නැතිව පැය 2 1/2 ක් ඇතුළත නව රියැදුරු බලපත්‍ර කාඩ් ලබා දීම පිළිබඳ අංක 10 කවුන්ටරයේ සේවය කළ පගාලාභී නිලධාරිතුමාට ප්‍රසිද්ධියේ ස්තූති කිරීමට සවිස්තරාත්මකව ලියමි.

අප වැන්නන්ට මේ ක්‍රමවේදය පිළිපැදීමෙන් කිසිදු පෙර කාල වෙන් කිරීමකින් තොරව, පෝලිම් වල නොසිට, අඩුම තරමේ මුදල් කවුන්ටරයට හෝ නොගොස් රියැදුරු බලපත්‍ර කාඩ් එක ලබා ගැනීම ටොයිස් වැඩකි.

අපි දෙන්නාගේම රියැදුරු බලපත්‍ර එක්ස්පයර් වන්න තව ඇත්තේ දින කිහිපයක් නිසා online වේලාවක් වෙන් කොටගෙන නුගේගොඩ ආයතනයට ගොස් වෛද්‍ය සහතික ලබා ගන්නා විට වෙලාව උදෑසන 10 ට පමණ ඇත. එතැන අතරින් පතර පෝලිමෙන් පිට කීපදෙනෙක් ප්‍රසිද්ධියේ වෛද්‍ය පරීක්ෂණයට යොමු කළත් ඉන් අපට බාධාවක් නොවීය. ඒවා අහිංසක පෝලිම් පැනීම්ය. හැරත් ලංකාවේ පෝලිම් පනින්නෙ නැත්තේ කොහිද?

වේරහැර ගොස් බලපත්‍රය අලුත් කරගැනීමට online වේලාවක් වෙන් කරගැනීමේ දුරකථන අංකයක් සඳහන් පුවරුවක් දැක ඇමතුමක් ගත්තෙමි. එය මගින් වේලාවක් වෙන් කරගත හැක්කේ ඇමතුමෙන් එන උපදෙස් අනුව දුරකථනයේ බොත්තම් එබීමෙනි.

එසේ ඉල්ලුම් කිරීමේදී අප දෙදෙනාට ලැබුණේ පසු දින දහවල් 11.30 වේලාවයි.

දැන් කුමක් කරන්නද? ආපසු ගමේ ගොස් තවත් දවසක් නිවාඩු දමා පසුදා එනවාද? බිරිඳට පසුදා නිවාඩු ගත නොහැක. අකුරට වැඩ නිසා අනිවාර්යයෙන් පාසලේ සිටිය යුතුය.

අපි ඇවිදගෙන හයිලෙවල් පාරට ආවේ දෙගිඩියාවෙනි. "කෝකටත් ආපු එකේ වේරහැර ගිහිං බලමුදැ"යි ඇය ඇසුවාය.

එවිටම ත්‍රීවීලර් රියැදුරෙකු අප ඉදිරියේ සිට ගත්තේය.

"සර්...වේරහැරට යනව නං එන්න..."

"අපිට අද ඇපොයින්ට්මන්ට් එකක් නෑ.."

"මොන ඇපොයින්ට්මන්ට්ද සර්...මාත් එක්ක එන්න. පැය තුනෙන් අරං දෙන්නම්

කාඩ් එකම අරං දෙන්නං...යං..."

"ෂුවර්ද...අද ගන්න පුළුවන් ද.."

අයියෝ සර්..ටොයිස් වැඩක්. පොඩි ගාණක් යයි."

වේරහැර ලර්නර්ස් එකකට ඔහු අප රැගෙන ගියේය.

"නංගී..මේ දෙන්නට අදම ලැයිසන් ගන්නෝනෑ.."

ඇය අපට හිඳගන්නැයි කීවාය.

"කීයක් ඕනෙද?"

"එතෙන්ට එකකට 5000/= විතර වෙනවා. දෙකටම විස්සක් දෙන්න...දවල් 3 ට කලිං කාඩ් එක දෙන්නම්. "

"ඔන් ලයින් තියෙන්නෙ 2200/= කියලනෙ.."

මා මෝටර් ප්‍රවාහන දෙපාර්තමේන්තුවේ වෙබ් පිටුවෙන් දැක තිබුණේ 2200 ලෙසය.

"අයියෝ සර්..දැන් ගාන වැඩි වෙලා. තාම වෙබ් එක update කරල නෑ.."

අපි ත්‍රීවීලර් ගාස්තුව ගෙවා ලර්නර්ස් කඩෙන් පිටතට පැමිණ සාකච්ඡා කළෙමු.

"අපි කෝකටත් කෙලින්ම යන්න පුළුවන් ද බලමුද..මේ ගොල්ලන්ට පගාව 10000/= ක් දෙන්නෙ මොකටද? බැරි වුණොත් වෙන දවසක එමු.

"ඔයාගෙ ලයිසන් එක තව දවස් දෙකයි නේද වලංගු?"

ප්‍රධාන ගේට්ටුව අසල මිනිස් පොදියකි. ඒ අතරින් රිංගා ගෙන ආරක්ෂක දොරටුව වෙත ළඟා වීමු.

"කොහෙද යන්නෙ?" ආරක්ෂක බලධරයා විමසීය.

"ලයිසන් අලුත් කරගන්න..."

"කෝ..ඇපොයින්මන්ට් මෙසේජ් එක ?"

""අද ඇපොයින්ට්මන්ට් නෑ..ඇපොයින්ට්මන්ට් නැති පෝළිමක් නැද්ද"

"ඇපොයින්ට්මන්ට් නැතිව කිසි කෙනෙකුට යන්න බෑ..ගියත් වැඩකුත් නෑ. ලැයිසන් දෙන්නෑ..හා..හා..පස්සට..

පස්සට.."

"ඔයාටනෙ එන්න අමාරු ...ඒ හංදා 5000/= පගාව දීලා ලර්නර්ස් එකෙන් ගනිමු. මං හෙට ඇවිත් කට්ට කාලා මගෙ එක ගන්නම්. "

අපි දෙන්නා දෙස බලා සිටි මහතෙකුට මේ දෙබස ඇසිණි.

"ලර්නර්ස් යන්නෝනැ නෑ..ඊට අඩුවෙන් පුළුවන් ..මගෙ දුවත් ඇතුළට ගියා. එනකල් මං ඉන්නෙ. අර පෙට්ටි කඩේ අම්මට කියන්න..වැඩේ කරල දෙයි."

අපි අහිංසක අම්මා කෙනෙක් වෙත ගියෙමු.

"අපි දුරබැහැර ඉඳං ආවේ..."

"දැන් දහයමාරත් වෙලා නේද..කෝ..එන්නකෝ බලමු..තව කෝට එක ඉතිරිද කියලා.."

ඇය අප හෙල්මට් බාරගන්නා බයික් පාක් එකේ මල්ලී වෙත කැඳවාගෙන ගියාය.

"අනේ...මේක කරල දෙන්න බලන්න. දුරින් ආපු දෙන්නෙක්.."

හෙල්මට් කඩේ මල්ලී ලැයිසන් දෙක පරීක්ෂා කළේය.

"හරි..වැඩේ කරල දෙන්නම්. දෙක්ක නිසා දාහතක් දෙන්න..."

ලර්නර්ස්ට වඩා තුන් දාහක් ලාබය. එක්කෙනෙකුට පගාව 3500/= කි. හෙට එන්න ගියොත් මග වියදම් හා කෑමබීමට යන ගාන එක්ක 3500/= ලාබය. එය අපට වාසියකි. හැරත් දෙන්නාටම නිවාඩු දාන්න වෙයි.

මං තෙපරබාද්දී "හරි කරල දෙන්න.." පවනී කිව්වාය.

"කාඩ් ලැබෙනව නේද..කොළේ නොවෙයිනෙ.." විමසීමි.

"කාඩ්..කාඩ්..ඇපොයින්ට්මන්ට් දාල ගියත් මේ වෙලාවට කාඩ් දෙන්නෑ. දවසට කාඩ් 150 යි දෙන්නෙ. ඒකට පාන්දර එන්නෝනෑ..කිසිදේකට බය වෙන්නෙපා. මං මෙතන ඉන්නවනේ..දැන් 11 ට කිට්ටුයිනෙ. දවල් දෙකට කලිං අරන් දෙන්නම්.."

මම සල්ලි අදින්නට වීමි.

"නෑ..මට එපා..මහත්තය 070..........නොම්මරේට කෝල් එකක් අරං දෙන්න.."

ඉන් පසු සියල්ල සිදු වුණේ දැඩි කාර්යක්ෂමතාවකිනි.

මගේ දුරකථනයෙන් කතා කළ හෙල්මට් මල්ලී නෝනයි, මහත්තයයි දෙන්නෙක් එවනව. කැන්ටිම ගාවට කීවේය.

කැන්ටිමට ගොස් යළි ඇමතුමක් ගන්නැයි උපදෙස් දුන් හේ "ගේට්ටුවට කියන්න හෙල්මල් කඩේ මල්ලි එව්වෙ කියලා. යන්න දෙයි" පැවසීය.

"හා..හා..කොහෙද යන්නෙ..කෝ ඇපොයින්ට්මන්ට් .."

"හෙල්මට් කඩේ..." කියන විටන "හරි මහත්තයලා..යන්න.."

කැන්ටිම අසලට ගොස් කෝල් කළෙමි. කැන්ටිම ඇතුළට එන්නැයි උපදෙස් ලැබිණ. ටිකකින් මට ඇමතුමක් ආවේය. "කෝ..කොතනද...?"

මම වටපිට බැලීමි. දුරකථනය කනේ තබාගෙන සිටි කෙසඟ, නූස්, කාල වර්ණ.......මහතා අප වෙත ආවේය.

"හෙල්මට් කඩෙන්ද එව්වෙ?"

"ඔව්.."

"සල්ලි දෙන්න.."

ප්‍රසිද්ධියේ ඔහු මුදල් ගත්තේය.

"දැන් මං පස්සෙන් එන්න. මහත්තය ගාවට ගෙනියන්නම්. ආයෙ කාටවත් සල්ලි දෙන්න අවශ්‍ය නෑ..වැඩේ කෙරෙයි.."

ඔහු පසු පස අභ්‍යන්තර ගේට්ටුවෙන් යද්දී ආරක්ෂක නිලධාරීන් සිටියේ අහක බලා ගෙනය.

අප අංක 10 කුටිය ඉදිරියේ වාඩි කළ ඔහු මාස්ක් එකක් පැළඳ සිටි ඒ මහතා වෙත ගොස් මුදල් දුන්නේය. අපව පෙන්වූයේය.

"කතා කළාම යන්න. කතා නොකළොත් ටිකකින් ගිහිං ............මහත්තයා එව්ව කියන්න.."

ටිකකින් අංක 10 කුටියේ පගාලාභී මහතා මා දෙස බලා හිස සන් කළේය.

ඉන් පසු මිනිත්තු 15 ඇතුළත සියල්ල සිදු විය. අත්සන් ගැනිණ. ස්කෑන් කෙරිණ. ෆොටෝ ගැනිණ. අප වාඩිලා සිටියදී කාකාස මහතෙක් ලියකියවිලි වැඩ නිමා කළේය.

මම අංක 10 කිටියේ පගාලාභී මහතාගේ පැහැදිලි ෆොටෝ එකක් ෆෝන් කැමරාව සූම් කොට ගතිමි.

අවසානයේ පගාලාභී නිලධාරි මහතා අප කැඳවීය.

"සේරම හරි. පැය 2 1/2 කින් ඉස්සරහ කවුන්ටරෙන් කාඩ් දෙක ගන්න.."

හරියටම 2.30 වෙද්දී අපි අදාළ කවුන්ටරයට ගියෙමු. කාඩ් දෙක බැබලි බැබලී අප එන තුරු කවරයක බහා රඳවා තිබිණ.

.................හිස්තැන් දුරකථන අංකය, මහතාගේ නම හා සේයාරුව මා ප්‍රසිද්ධ කරන්නේ නැත. මේ එක් පගාලාභී මහතෙකි. එක් ජාලයකි. ඒ නිසා එක් පුද්ගලයෙක් දඬුකඳේ නොගසමි. පැමිණිළි නොකරමි. අපට රු. 3000/- ලාබ වීමේ සතුට භුක්ති විඳිමි.

එන ගමන් පෙට්ටි කඩේ අම්මාට ස්තූති කළෙමි.

"වැඩේ කරගත්ත නේ...හොඳයි..ගිහිං එන්න"

"අම්මට ඒගොල්ලො ගානක් දෙනව ඇතිනේ.."

"අනේ නෑ මහත්තයෝ...එහෙම ගානක් කියල ලැබෙන්නෙ නෑ..කීයක් හරි දුන්නොත් ගන්නවා."

මම ඇයට රු. 500/= ක් අත මිට මෙළවූයෙමි.

"මං බත් එකක් අරං කනවා..අයිස්ක්‍ක්‍රී එකක් එක්ක" ඇය අහිංසකව සිනාසුණාය.

මගේ යෝජනාව පගාව නීතිගත කරන ලෙසය. එවිට කාර්යක්ෂම සේවයක් සැලසේ. පාරිභෝගිකයා රස්තියාදු නොවේ. පගාව නීතිගත කොට ඊට "පගා බද්දක්" අය කිරීමෙන් රජයට ආදායමක්ද ලැබේ.

පගාව නීතිගත කරනු..!

ඒ වගත් මෙසේම..

හෙන්රි වර්ණකුලසූරිය