විශිෂ්ට ඉන්දීය චිත්‍රපට අධ්‍යක්ෂ සාජි එන්. කරූන් දිවි සිනමාවෙන් සමු ගනී..
මේ සමඟ පළ වෙන්නේ 90 දශකයේදී ගත් පිංතූරයක්. මා සම්මාන සහතිකයක් ලබා ගන්නේ ඉන්දීය චිත්‍රපට අධ්‍යක්ෂ සාජි එන්. කරූන් අතින්.
පසෙකින් සිටින්නේ ආසියානු සිනමා කේන්ද්‍ර‍යේ ප්‍රධානී ඈෂ්ලි රත්නවිභූෂණ හා එම කේන්ද්‍ර‍යේ අධ්‍යක්ෂිකා රංජනී රත්නවිභූෂණ.
එකල ආසියානු සිනමා කේන්ද්‍ර‍ය සිංහල සිනමාවේ ප්‍රවර්ධනය වෙනුවෙන් විශාල වැඩ කොටසක් කළා. නොකඩවා මාසිකව පළ කළ, ඉතා වටිනා තොරතුරු හා ලිපි රැගත් "සිනෙසිත්" සඟරාව වගේම සංවිධානය කළ චිත්‍රපට උලෙළ, සිනමා පඨමාලා, හමුවීම්, සාකච්ඡා යනාදී බොහෝ වැඩ ඒ අතර වුණා.
"පිරවි" නමින් අති විශිෂ්ට චිත්‍රපටයක් නිර්මාණය කළ සාජි එන්. කරූන් චිත්‍රපට අධ්‍යක්ෂණය පිළිබඳ කළ වැඩමුළුව අවසානයේ තමයි මේ සහතික පත්‍රය ලබා දුන්නේ. මේ කාලයේම "පිරවි" කැමරාකරණය කළ සනී ජෝශප් මූලිකත්වය ගත් සිනෙ කැමරා අධ්‍යක්ෂණය පිළිබඳ වැඩමුළුවටත් මා සහභාගී වුණා.
===================
මා එදා සාජි එන්. කරූන්ගේ සිනමා දැනුමෙන් ලද පෝෂණය ඉමහත්.
එතුමන් සිනමාව පිළිබඳ පුළුල් පරාසයක දැනුමකින් පිරිපුන් විද්‍යාර්ථියෙක්.
සාජි....වරෙක මගේ ගුරුතුමාට..
සුවබර දිගු නින්දක් පතමි.
No comments:
Post a Comment