ලංකාවේ මෙතෙක් පළවූ සිනමාව ගැන සාරගර්භ හා දුර්ලභ දැනුමක් ගෙනා චිත්‍රපට සඟරාව වන්නේ ඈෂ්ලි රත්නවිභූෂණ ගේ ආසියානු සිනමා කේන්ද්‍ද්‍ර මගින්, ඔහුගේම සංස්කාරකත්වයෙන් යුතුව පළ වූ "සිනෙසිත්" සඟරාවයි. 1985 වසරේ නිකුත් වූ "සිනෙසිත්" සඟරාවේ පළමු කලාපයට එවකට කැලණිය විශ්වවිද්‍යාලයේ ආචාර්ය චන්ද්‍ද්‍රරි පල්ලියගුරු ලියූ "දේශපාලන සිනමාවේ මූලිකාංග" නමින් වූ ලිපිය මගේ නෙත ගැටුණේ ඉන් වසර කීපයකට පසුව "සිනෙසිත්" සඟරා සියලු කලාප සන්තක කොට ගනිද්දීය.
එවිට මගේ උපදේශකයා වූයේද ආචාර්ය චද්‍ර‍රසිරි පල්ලියගුරුමය. ලාංකික සිනමාවේ බිහිවූ දේශපාලන චිත්‍රපට පිළිබඳ අධ්‍යයනයේදී එතෙක් චන්ද්‍ද්‍රරි පල්ලියගුරු, ගාමිනී වේරගම වැන්නන් ගෙන ආ ප්‍රවාදය හරස් විය. ගාමිණී ෆොන්සේකා කිසිසේත්ම දේශපාලන සිනමාකරුවෙකු නොවන බව මා තර්කානුකූලව ගෙන හැර පෑවද පල්ලියගුරු ආචාර්යතුමා ඊට එකඟ නොවීය.
අවසානයේ ගුරු ගෞරවය රඳවා ගෙන මගේ පශ්චාත් උපාධි අධ්‍යයනය අතැර දැමුවෙමි.
ඉනුත් වසර 5 ට පසුව එකී අධ්‍යයනය නැවත ආරම්භ කළේ ආචාර්ය ආරියරත්න ඇතුගල යටතේය. එකී අධ්‍යයනය සම්පූර්ණ කිරීමේදී ලාංකික සිනමාවේ සිටි එකම දේශපාලන සිනමාකරුවා ධර්මසේන පතිරාජ බව මගේ තීන්දුව විය. "ලාංකික සිනමාවේ පතිරාජ ලකුණ" නමින් කෘතියක් පළ කළේ මේ නිබන්ධය ඇසුරිණි.
තමන්ගේ මතයට එරෙහි වූ ශිෂ්‍යයා ගැන මහාචාර්ය පල්ලියගුරු උරණ වූයේ නැත. ඉන් පසු හමු වූ බොහෝ අවස්ථාවල හිස මඳක් ඇල කොට දුක සැප විමසන්නට අමතක කළේ නැත. එතුමන් මෙරට බුද්ධිමතුන් විශාල පිරිසකට නිසි මඟ හෙළිපෙහෙළි කළ දක්ෂ ගුරුවරයෙකි. චන්ද්‍රසිරි පල්ලියගුරු යනු නිහතමානී බවේ සංකේතයකි.
දැවැන්ත ගල් කුළුණු එකින් එක ඇද වැටෙන්නට පටන් ගෙන තිබේ. මහාචාර්ය චන්ද්‍රසිරි පල්ලියගුරුගේ අභාවය ඊට සාක්ෂි දරයි.
-සිතන්නා...
ඒ් අඩු පුරවන්නට සමත්කම් දක්වන්නන් අල්පයයි.
ReplyDeleteසුබ ගමන් ඔහුට
++++++++
Delete