ඇමැටිතුමෝ.....ඉස්සෙල්ලාම H.I.V. ටෙස්ට් කරමුද...?

නඩුත් හාංදුරුවන්ගේය.

බඩුත් හාංදුරුවන්ගේය.

නැතෝ.......

නඩුත් දොස්තරගේය.

බඩුත් දොස්තරගේය.

මොකක්......??

බඩු ????? හෑ.....බඩුත්.....?

නඩුත් දත් දොස්තරගේය.

බඩුත් දත් දොස්තරගේය.

හුකෑස්.....

නඩුත් නැව්පතිගේය.

බඩුත් නැව්පතිගේය.

ප්‍රා....ග්‍රා....බිළාල....කහ......අමමෝ....බළල්ලු.....ප්‍රා...


http://otukatha.blogspot.com/2015/01/blog-post_25.html

විශ්වවිද්‍යාලෙ යද්දි නොවෙයි ගිහිං එද්දි අවයවේ ටෙස්ට් කරමුද?

අපේ කාලෙ එහෙම කළා නං අද ඉන්නෙ දත් දොස්තර නොවෙයි...

කොන්දොස්තර පරාජිත.......

ඉස්සෙල්ලාම පරාජිතලගෙ සෙට් එක චෙක් කරමුද

 උසස් පෙළයි, කැම්පසුයි ළමයින්ගෙ චෙක් කොරන්න කලිං...

HIV නැතිවෙන්න නං බෑ ඔන්න පොතේ හැටියට.

යහපාලනේට කෙලවන්නෝ...........

මරාගෙ කොන්තරාත්තුවක් වත්ද මංදා ආයිබං.....

-සෙස්ස පස්සට ෴

- සෙරන්ඩිබ් ඔටුවා 

තලතා නෝනේ රෙද්දක් ඇඳන් ද ඉන්නේ....

මැද පෙරදිග රටවලදී ගතවූ වසර පහක කාලය තුළදී

ශ්‍රී ලාංකීය කාන්තාවන් 199ක් ලිංගික අපයෝජනයට

ලක්වූ බවට පැමිණිලි ඇතැයි විදේශ රැකියා 

ඇමැතිනී තලතා අතුකෝරළ මහත්මිය 

පාර්ලිමේන්තුවේදී ඊයේ (දෙසැ.07) ප්‍රකාශ කළාය.


මොවුන් අතරින් 91 දෙනෙකු සෞදි අරාබියේදීද, 

40ක්  කුවේට්හිදිද, 26 දෙනෙකු ජෝර්දානයේදීද,

කාන්තාවන් 17 දෙනෙකු එක්සත් ආරාබි එමීර් 

රාජ්‍යයේද, අපයෝජනයට ලක්ව ඇත. කටාර්හිදී

කාන්තාවන් 11ක්ද, ඕමාන් හිදී කාන්තාවන් 07

ක්ද, ලෙබනන් හිදී මෙරට කාන්තාවන් 03ක් ලිංගික

අපයෝජනයට ලක්ව ඇතැයිද ඇමැතිවරිය 

සඳහන් කළාය. 


2010 වර්ෂයේදී මෙරට කාන්තාවන් 57ක්ද, 2011 දී 

කාන්තාවන් 38ක්ද, 2012 දී කාන්තාවන් 46ක්ද, 

2013 දී කාන්තාවන් 40 ක් සහ 2014 දී කාන්තාවන් 

18ක් මැදපෙරගදී ලිංගික අපයෝජනයට ලක්ව 

ඇතැයිද ඇමැතිවරිය කීවාය. 

මාරයි.......අපේ රටේ කාන්චාවො 

අරාබියට වහල් කමේ යැව්වම 

අච්චර මෙච්චර 

අචවරයට ලක් වෙනවජ මෙයා...අනේ 

පව්ව්ව්ව්.....නේජ..?

දැන් අපිට කියන්නෙ බම්බුවද ?

ඇමැති පුටුවෙ රෙද්දක් ඇඳගෙන ඉන්න ලැජ්ජ නැද්ද...නෝනේ...

-සෙස්ස පස්සට ෴

- සෙරන්ඩිබ් ඔටුවා 

ඇමැටිතුමෝ......ලබන දෙසැම්බර් හමුවෙමුද?

මුහුණු පොතේ මෙහෙම තිබුණ බොලල්ලා........

"නිළ ඇඳුම් ලබා ගැනීම සඳහා 

පිරිමි ළමුන්ට වවුචර දෙකක්ද, ගැහැනු ළමුන්ට වවුචරයක්ද හිමි වේ. 

මේවා බෙදා හැරීමේ ක්‍රමවේදයේදී සෘජු  ලෙස වැයවෙන 

මුදල හා නිළධාරීන්ගේ මෙන්ම

ගුරුවරුන්ගේ ශ්‍රමය සඳහා මිල ගණනය කළ විට නිළ ඇඳුම් සඳහා දෙන 

සොච්චම් මුදල මෙන් කීප ගුණයක් බව පැහැදිලිය.

මෙන්න වැඩ කිඩ :-

* වවුචර් මුද්‍රණය හා අධ්‍යාපන දෙපාර්තමේන්තුව හරහා දිවයින

 පුරා පාසල් වලට බෙදා දීම.

* පංති භාර ගුරුවරුන් වෙත වවුචර් බෙදා දීම.

* පංති භාර ගුරුවරුන් සියලුම වවුචර් අංක ලේඛන ගත කිරීම.

* සෑම වවුචරයකටම විදුහල්පති හා උප විදුහල්පතිගේ අත්සන යෙදීම හා

 මුද්‍රා දෙකක් යෙදීම. (ළමුන් දාස් ගණනක් සිටින පාසලක මේ 

සඳහා ගතවන කාලය සිතා ගැනීම ඔබට බාරය.)

* එකිනෙක වවුචර් පංති භාර ගුරුවරයා මගින් දෙමාපියන්ට ලබා දීම

 ( මේ සඳහා දෙමාපියෙකු පැමිණිය යුතු අතර නොපැමිණි අය 

දුරකථන ඇමතුම් දී ගෙන්වා ගත් අවස්ථාද ඇත)

* මීළඟ වාරය පටන් ගත් පසු මිලදී ගත් බව සහතික කොට 

වවුචර් කොටස් අධ්‍යාපන දෙපාර්තමේන්තුවට යැවීම.

* බෙදා දුන් වවුචර් නිසි පරිදි, අක්‍රමිකතාවකින් තොරව 

ප්‍රයෝජනයට ගෙන ඇත්දැයි විගණනය කිරීම.

 (දෙපාර්තමේන්තුවට මේ සඳහා කොපමණ කාලයක් හා  ශ්‍රමයක් වැය 

වෙනු ඇත්ද?)

* කිසියම් දොසක් සිදු වී නම් විදුහල්පතිවරයාටත්, 

පංති භාර ගුරුවරයාටත් චෝදනා පත්‍ර ගොනු කිරීම හා නිසි පරීක්ෂණ  පැවැත්වීම.

* වරදකරුවන් වෙතොත් දඬුවම් ක්‍රියාමාර්ග ගැනීම හා  අදාළ මුදල් අය කොට ගැනීම.

මේ වවුචර් එකෙන් රෙද්දක් ගන්න දෙමාපියන්ට අතින්  සල්ලි දාන්නත්

වෙනවලු නේද? එහෙම දාලත් ඹය සල්ලි වලින් ගන්න වෙන්නෙ 

බාළ රෙදිලු නේද?


මේව කොරන්න යන්නෙ ජාතික ධනය නොවෙයිද?

මේ අපතේ යන සල්ලි වලින් හොඳ රෙද්දක් දෙන්න බැරිද,

මේ වවුචර් බෙදා හැරීම එහැම පිටින්ම අසාර්ථක වැඩකි.  

මොන්ටිසෝරි තීරණයකි. එක්කෝ ඇඳුම් දීම නවතා දැමිය යුතුය. 

නැත්නම් නිකරුණේ  මුදල් හා ශ්‍රමය කා දැමීමේ තීරණ නොගත යුතුය.

"අපි ලබන පාරෙත් මේ විදිහටම වවුචර් දෙනවාය" කියාවිෂය බාර 

ඇමැත්තා පාර්ලිමේන්තුවේදී බිරුසන් දෙන විට ප්‍රශ්නයක්  

කළමනාකරණය කොට ගැනීමට ඇති නොහැකියාව පෙනේ."

පත්තර වල මෙහෙම කිබුණා නොවැ.

ඇමැටිතුමෝ......

ලබන දෙසැම්බර් වවුචර් එක්ක හමුවෙමුද?

http://otukatha.blogspot.com/2015/01/blog-post_17.html

ඇමැටිතුමාගේ පැටිකිරිය මෙතනින් බලන්න

මේවත් බලලම යමුද ආයිබං........

 -සෙස්ස පස්සට ෴

 - සෙරන්ඩිබ් ඔටුවා 

චිච්චියට වින කටින අංගජාතයෝ එක්ක අරාබි වහලියෝ

යන්නම් කියා යන්න ගියාට සිද්ධ වෙන දේවල් දැක්කම කට පුක වහන් ඉන්න බෑ ආයිබං...
ඒ හංද මෙන්න වෙන බ්ලොග් රෝලක ලියල තිබුණ කයියක් එතනින් ගලවල මෙතෙන්ට ගත්ත..

අරාබිකරයේ විවිධ රට වල එක් එක් ආකාරයේ නීති ඇත්තේය.

එක්සත් අරාබි එමීර් රාජ්‍යයේ නීති ඕමානයේ වෙනස් ආකාරයක් ගනී. කුවේටයේ නීති කටාර් රාජ්‍යයට අදාළ නොවේ. සෞදියේ නීති බහරේන් රාජ්‍යයට ගව් ගාණක් දුරය.

ඒ ගැන තේරුම් ගැනීම අසීරු නැත.

ඒ ඒ රාජ්‍ය පාලකයාගේ රුචි අරුචිකම් මෙන්ම රටේ පැවැත්ම පිළිබඳ කොන්දේසිද නීති රීති සම්පාදනයේදී පදනම් වීම ස්වභාවිකය.

මැදපෙරදිග රටවල වැඩි වශයෙන් පවතින්නේ රාජාණ්ඩුය. හොඳ පැත්තට රාජාණ්ඩු හොඳ වෙන්නා සේම නරක පැත්තට අන්තිම නරකය.

එක් එක් කලට රටේ නීති මෙන්ම ජනජීවිතයේ පැවැත්මද තීරණය වන්නේ පවත්නා පාලනය අනුවය.

මේ කලාපයේම රස්සාව කරන නිසා නොලියා නොහැකි මේ ටික ලියන්නේ පරෙස්සමින්‍ ය. මෙහෙම ලිව්වාමත් බිජ්ජ කපනවා කියා නීති පොතක තියෙනවාද දන්නේ නැත. එහෙම වුණොත් ගම රට යන්න වෙන්නේ බිජ්ජ නැතිවය.

චිච්චියට වින කටින අංගජාත කියා මාතෘකාවට දැම්ම කතාව මේකය.

චිච්චිය යනු කාන්තා අවයවය ය. කාන්‍තාවන්ට අවයව ගොඩාක් තියෙනවනෙ කියන අයට කියන්න තියෙන්නේ ඒ සංසර්ගය සඳහාත්, චූ කිරීම සඳහාත් යොදා ගන්නා අවයවය කියාය.

අංගජාතය යනුවෙන් අදහස් කළේ ඊට ප්‍රතිවිරුද්ධ පිරිමි අවයවය ය. කොටින්ම පිරිමි නිමිත්තය.

දැන් බලාගෙන යද්දී සමහර රටවල නීති වලට අනුව අංගජාතය ඕනෑ හැටියට භාවිතා කිරීම අවුලක් නැත. ඒත් තමන්ගේම චිච්චිය තමන්ට රිසි අයුරින් වුවද ප්‍රයෝජනයට අවසර නැත.

මේවා ගැන අප හැප්පෙන එකේ තේරුමක් නැත. නඩුත් රජ්ජුරුවන්ගෙ, බඩුත් රජ්ජුරුවන්ගේය. කරන්න තියෙන එකම දේ මෙවැනි අසමජ්ජාති, නිහීන නීති තියෙන රට වලට අපේ රටේ අම්මලා, දුවලා, සොයුරියන් වහල් සේවයට නොයෙදවීමට අපේ රටේ නීති සම්පාදනය කෙරුමය.

කොච්චර කෑ ගැහුවත් කොරන්නෙ නැත්තෙත් ඒකමය. රට කරවන් හැත්ත වගේම ගෙදර මනුස්පයත් හිතාගෙන ඉන්නේ ගෑනුන්ව රට යවා සල්ලි හම්බ කිරීම් මහා වීරකමක් කියාය.

රටේ ජාතික ආදායමෙන් වැඩිම පංගුව මැදපෙරදිග ශ්‍රමිකයන්ගෙන්ය, ඉනුත් ගෘහසේවිකාවන්ගෙන්‍ ය කියා උදම් අනනේ පොන්නයින්‍ ය.



http://otukatha.blogspot.com/2014/04/blog-post_12.html

උන්ට අනුව කාන්තාවන් බිල්ලට දී හෝ මඩිය තර කරගැනීම වටනේය. රට විරුවෝ කිය අන්දන්නේ ඒකය.

උන්ට සුරසැප විදින්න කාන්තාර බිමේ කඹුරන එක වීර කමක්‍ ය.

ලැජ්ජ නැතිව දේසපාලුවන් මේ අහිංසකයන් රටේ වීරයින් කියා පුරසාරම් දොඩනවාය. පට්ටපල් බේගල් ඇදබානවාය. හරිනං කපන්න ඕනෙ උන්ගේ අංගජාතය ය. මොකද ගල් ගසා මරන්නට නීති ගේන උන්ගේ අංගජාත කපන්නට අපට හයියක් නැති නිසාය.

ඒ නිසා වහල් සේවයට එන්නට අවසර දෙන, එකී විදේශ විනිමයෙන් සුරසැප විඳින, ආපු එවුන් ගැන සොයා නොබලන විදේශ සේවා නියුක්ති කාර්‍යාංශය නමැති සුදු අලියාගේත්, තීරණ ගන්න උන්ගේත්, මේ සුදු අලිය බාර ඇමැත්තා හෝ ඇමැත්තියගේත් රෙදි ගලවන්න ඕනෑය.

වෙන මොකටවත් නොවේ.. අංගජාත හෝ චිච්චි තියෙනවාදැයි සැක හැර ගන්නටය. පේන විදිහට ඔවුන්ට ඔය දෙකම නැත.

අරාබි වහලියෝ කියා මාතෘකාවට දැම්ම කතාව මේකය.

මැදපෙරදිග බොහෝ රටවලට ගෘහසේවා වහල් සේවයට එන්නේත්, එවන්නේත් පවුල සුඛිත මුදිත කිරීමටය. එවන උන් කියන්නේ ජීවත් වෙන්න ක්‍රමයක් නැති නිසා එනවා කියාය.

එන කාන්තාවනුත්, උන්ගේ ස්වාමිපුරුෂයනුත්, රට කරවන උනුත් මේකම මතුරන්නේ පවුලට, රටට සෞභාග්‍යය උදාවන්නේ වහල් සේවයට ඒමෙන් කියාය.

ඒත් මේ රටවල දහසුමේ කඹුරා ලැබෙන්නේ සොච්චමක්ය. බොහෝ විට ලංකාවේ මුදලින් මාසිකව රුපියල් විසිදහසකටත් අඩු වැටුපකටය. 
මේ අබග්ගය තේරුම් ගන්නා කාන්තාවන් පැමිණි පසු සල්ලි හොයන්න වෙන ක්‍රම තෝරා ගන්නවාය.

එක්කෝ තමන් ගෙන්වා ගත් බාබා සමග බුදියනවාය. නැත්නම් බාබාගේත්, පවුලේ අනෙක් උන්ගේත් බලපෑම්, හිරිහැර ඉවසා ගත නොහී එළියට පනිනවාය. නැත්නම් වැඩි ආදායමක් ලබන්නට ගෙන්වූ තැනින් පනිනවාය.

ඊට පසුව සිද්ධ වෙන්න පුළුවන් දේ බොහොමය.

එක්කෝ මෝරෙක් අල්ලාගෙන පවුල් කන්න වෙනවාය. අහුවෙයි කියල බයට හැංගි මුත්තං කෙළිමින් ගෙයින් ගෙට ගොස් වහල් වැඩ කරන්න සිද්ධ වෙනවාය.

එතකොට නම් මාසෙකට ආදායම ටිකක් වැඩි ගාණක් හොයන්න පුළුවන්‍ ය.

එහෙම් පැන්න අය පොලිසියෙන් අල්ලනවාය. හිරේ විලංගුවේ දානවාය.

මේ දවස් වල වාළුකාවේ මුතු දූපතේ නං එහෙම පැන්න අයට පොදුසමා කාලය එළැඹිලාය. පොලිසියට බාර වුණාම දවස් දහයක් විතර හිරේ දමා දඬුවමක් දී පිටුවහල් කරනවාය.

එහෙම පැන්න කාන්තාවන් දාස් ගාණක් ඉන්න බවට ගණන් බලා තියෙනවා කියා ඇසුණේය.

වහල් සේවයට පුරුදු වුණාමත් ඉන් ගැලවීමක් නැත.

ළිඳට වැටුණාට පස්සෙ ළිං කටෙන්ම ගොඩ එන්නට බලනවාය.
ළිඳට වැටෙන්නට නොදී ගොඩින් ජාමෙ බේර ගන්න එක වඩා හොඳය.

නැත්නම් වෙන්නේ අවයව නැතිව, සදාකාලික අබ්බගාතයින් වෙමින් අන්තිමේදි මරණයත් හිමි කරගන්නටය.

 සෙස්ස පස්සටය......

 
- සෙරන්ඩිබ් ඔටුවා

සුබ ගමන්...ආයුබෝවන්...

යහ පාලනෙත් චොර වුණා නොවැ...
මොනවා ලියන්නද තවත්...

ඔටුකතා හමාරයි...

සෙරන්ඩිබ් ඔටුවා සමග රැඳුණු හැමට ඔටු ප්‍රණාමය...

සමුගන්න අවසර......!

වාලුකාවට ආයුබෝවන්......!!!

.

- සෙරන්ඩිබ් ඔටුවා

යහපාලනය "චොර" වෙයිද ?

දින 100 ගතවන ‍කල් ඉවසන් ඉන්න බෑ අායිබං...
ඔන්න දිවයින පත්තරේ ගිය ලිපියක් දානවා.
බොරු නොවෙයි..... ඇත්තනේ මේ හාදය කියන්නේ.....

 


කොයි පක්‍ෂවලටත් අරක්‌ගත් හැදිච්චකම් මෙන්ම නැහැදිච්චකම් ද අනන්තවත් ඇත. ඕනෑම පාලනයක්‌ ජනතා අභිමතයට පටහැනි වන්නේත් දෝෂදර්ශනයට ලක්‌ වන්නේත් එහි ප්‍රතිඵලයක්‌ වශයෙන්ය. 2015 දී බුලත් කොළය පරදින්නෙත්, හංසයා ජයග්‍රහණය කරන්නෙත් ඒ නිසාය. එහෙත් දැන් දැන් දින 100 ගතකිරීම කෙසේ වෙතත් වැඩි දින ගණනක්‌ ගතවෙද්දීම "හංසයා" ක්‍රියාකරන ආකාරය තිබීම ඉතා කනගාටුදායකය.

හංසයා ගොඩදමන්නට විවිධ පක්‍ෂ හා විවිධ සංවිධාන 47 ක්‌ මුල්වරට එක්‌ වූහ. ඒ රාජපක්‍ෂ රෙජිමය පරාජය කරවීමටත්, විධායක බලතල අහෝසි කිරීමටත්, 17 වන සංශෝධනය බලාත්මක කිරීමටත්, හොරුන්ට, දුෂ්ටයන්ට එරෙහිව නීතිය ක්‍රියාත්මක කිරීමටත්, පූර්ණ එකඟතාවක්‌ ඇතිවය.
ඉන් පළමුවැන්න 2015 ජනවාරි 09 දා පෙරවරුවේම ඉෂ්ට සිද්ධ විය. එහෙත් සෙසු අපේක්‍ෂා තවමත් විළිලමින් පසුවෙයි. මේවා මෙසේ කල්ඇදීමට හේතුව හංසයාගේ නොහැකියාවවත්, මෛත්‍රීපාල සිරිසේන මහතාගේ දුබලතාවයක්‌වත් නොව වැඩි දායකත්වයක්‌ සැපයූ එක්‌සත් ජාතික පක්‍ෂයට අරක්‌ගත් දේශපාලන නැහැදිච්චකම්ය. ඇත්තෙන්ම හංසයා දිනවන්නට මාහැඟි මෙහෙවරක්‌ දියත් කළ සාධාරණ සමාජයක්‌ සඳහා වූ ජාතික ව්‍යාපාරයේ සෝභිත නාහිමියනුත්, පිවිතුරු හෙටක්‌ සංවිධානයේ අතුරලියේ රතන හිමියනුත් රත්කළ තැටියෙන් රොටි පුච්චනකම් මල පැන බලාසිටින්නේත්, ජනතාවට දුන් ඒ බාරය ඔප්පු කරනතුරු ගැහි ගැහී පසෙකින් වැඩසිටින්නෙත් ඒ එජාපයට උරුම දේශපාලන නැහැදිච්චකම නිසාය.

බහුතරයක්‌ මහජනතාව හංසයාට ඡන්දය දුන්නේ අර අරමුණු වෙනුවෙන් මෛත්‍රී ජනපති කරවන්නට මිස රනිල් පසුදාම අගමැති කරවන්නට නොවේ. ඇත්තෙන්ම එදා මෛත්‍රීට තිබුණේ ජනාධිපතිවරණයෙන් පසු එදාම නොව දින 100 න් පසු මහ මැතිවරණයක්‌ පවත්වා බහුතරයක්‌ පෙන්වූවාට පසු රනිල් වික්‍රමසිංහ මහතා අගමැති කරවන්නටය. එසේම පාර්ලිමේන්තුවට තේරී පත්වූ සියල්ලන් කැඳවා කාගෙ කාගෙත් අභිමතය පරිදි ජාතික හෝ සමගි හෝ කලවම් හෝ ආණ්‌ඩුවක්‌ පිහිටුවන්නටය. එහෙත් ඒ සියල්ලට පෙර මෛත්‍රී කළේ දිවුරුම් දුන්දාම විධායක බලතල පාවිච්චි කරමින් රනිල් අගමැති කිරීමය. මේ දේශපාලන නැහැදිච්චකම් ඉස්‌මතු වන්නට පටන් ගත්තේ එතැන් සිටය.

ජනවාරි 08 දා මෛත්‍රීට ලැබුණේ ජනතා අභිමතයක්‌ය. මෛත්‍රී යහපාලනය තටම තටම ගෙනියන්නට වෙර දැරුවත් රනිල්ට ඕනෑ, හා ගමනින් බැරි දේ ඉබි ගමනින් හෝ අවුරුදු ගණනාවක්‌ ගෙවල්වලට නාකි වූ හා රටට නන්නත්තාර වූ යූ. එන්. පී. කාරයන් ඔසොවා තැබීමය. දෙදෙනා හබල් ගහන්නේ දෙවිදියකටය. හංසයාට කිරි පෙවූ බොහෝ දෙනා පරල වී ඇත්තේ අන්න ඒ නිසාය. 

ඒ අතින් ජනතා විමුක්‌ති පෙරමුණ නිවැරැදිය. එහි අනිටු ඵල එළැඹෙන මහ මැතිවරණයේදී රජයටත් - ඉටුපල ජනතා විමුක්‌ති පෙරමුණටත් හොඳින් ලැබෙනු ඇත.

මෛත්‍රී සන්ධාන ආණ්‌ඩුවෙන් ඉවත් වූවාට පසු නාමයෝජනා දුන්නාට පසු ශ්‍රී ලංකා නිදහස්‌ පක්‍ෂයෙන්ම වසර ගණනාවක්‌ අසාධාරණයට ලක්‌වූ පිරිස වෙනුවෙන් පිහිට වූ "සුරකිමු ශ්‍රී ලංකා" සංවිධානයත් මෙහිදී සිහිපත් කළ යුතුය. මෛත්‍රී ලත් ඔය ඡන්ද සංඛ්‍යාව තුළ එක්‌සත් ජාතික පක්‍ෂයේ ඡන්දවලට වඩා සන්ධානය එපා වූ ශ්‍රී ලංකා - සම සමාජ, කොමියුනිස්‌ට්‌ පක්‍ෂවල ඡන්ද, දෙමළ සන්ධානයේ ඡන්ද, ජනතා විමුක්‌ති පෙරමුණේ ඡන්ද, මුස්‌ලිම් කොංග්‍රසයේ ඡන්ද, හෙළ උරුමයේ ඡන්ද, ප්‍රජාතන්ත්‍රවාදී පෙරමුණේ ඡන්ද ගණනය කොට මේවා ඉවත් කළ විට එජාප යට ඡන්ද ලක්‍ෂ 35 ක්‌ වත් ඉතිරි වන්නේ නැත. අලියා ලකුණින් කොළඹින් එන එජාපයට එය ඉදිරි මහ මැතිවරණයේදී වැටහෙනු ඇත. එහෙත් රෙජිමය පරාජය කිරීමට ඔවුන් දුන් සහාය තල්ලුව අපි අමතක නොකරන්නෙමු. එසේ වුවද රෙජිමය තුළින් අසරණ වූ යූ. එන්. පී. කාරයන් විවිධ තනතුරු ලබද්දී 1977 සිට දෙපාර්ශ්වයෙන්ම අසරණ වූ "සුරකිමු ශ්‍රී ලංකා" සංවිධානයේ අප තවමත් එළිපත්තේය. එය එජාපය අමතක කළාට මෛත්‍රී අමතක කිරීම බරපතළ වැරැද්දකි. 

ඇත්තෙන්ම මෛත්‍රී දිනන්නේ මහින්දට එරෙහි මහින්දගේම ඡන්දවලින්ය. ප්‍රතිඵලය අනික්‌ පැත්තට ගියානම් ගුටිකන්නේ යූ. එන්. පී. කාරයන් නොව මහින්දගෙන් ඈත් වූ මහින්දගේම පිරිස්‌, මහින්දගේම මිනිසුන්ගෙන්ය. මෛත්‍රී මෙන්ම රාජිතත් "එදා අපි පැරදුනානම් අපි ඉන්නේ හිරගෙවල් වල යෑයි" කියා බෙරිහන් දුන්නේත්, මරලතෝනි දෙන්නේත් ඒකය. ඒ පරිප්පු මේ ලියන "සුරකිමු ශ්‍රී ලංකා" සංවිධානයේ අපටත් පොදුය. දින්නාට පසු රනිල් වික්‍රමසිංහ මහතා අතේ හිතේ තරමට යූ. එන්. පී. කාරයන්ට දසඅතින් තනතුරු පිරිනමන්නේ අවුරුදු ගණනක්‌ වැලේ වැල් නැතිව සිටි යූ. එන්. පී. කාරයන් නැගීසිටුවන්නටය. එහෙත් මෛත්‍රී "සුරකිමු ශ්‍රී ලංකා" කාරයන් නැගිට්‌ටන පාටක්‌ පේනතෙක්‌ මානයකවත් නැත. කනගාටුව ඒකය. 

මෙලෙසින් බැටකන්නේ 1977 දී එජාප ආණ්‌ඩුවේ රැකියා බැංකු ක්‍රමය යටතේ යූ. එන්.පී කාරයන්ට විතරක්‌ රැකියා දෙද්දී, 80 වර්ජනයේදී ඔලු පලාගෙන අතරමං වෙද්දී, මැයි දිනයකට, බණ්‌ඩාරනායක ගුණ සමරුවකට, දාහක්‌ දෙදහක්‌ ගෙන්වා ගන්නට බැරිව දඟලද්දී, ඒවාට දිවි පරදුවට තබා සහභාගි වූ පට්‌ට ශ්‍රී ලංකා කාරයන්ය. ජනඝෝෂාවලට, හෘදසාක්‍ෂිවලට එක්‌වූ මැරුවත් නිල් ශ්‍රී ලංකාකාරයන්ය. 1994 දීත් ඔවුන්ට හරිහමන් සාධාරණයක්‌ ඉටුවූයේ නැත. 2005 න් පසු මහින්දගෙන් ලත් රෙද්දක්‌ ද නැත. සුරකිමු ශ්‍රී ලංකා සංවිධානය යටතේ ඔවුන් සංවිධානය වූයේ ඒකමය.

ඒ අතින් බලනවිට පාක්‍ෂිකයන්ට කෙලෙහිගුණ සැලකීම අතින් එජාපය හැමදාමත් සිටින්නේ අංක 01 ය. ශ්‍රී ල.නි.ප. ය හැමදාමත් සිටියේ පඩික්‌කමටත් වඩා පහළ තැනකය.

2001 අහම්බෙන් බලයට පැමිණිවිටත් එජාප ආණ්‌ඩුව මුදල් අමාත්‍යාංශ ලේකම් ධුරයට පත්කළේ චරිත රත්වත්තේ මහතාය. ඔහු එවකට එජාප මහ ලේකම්වරයාය. විවිධ තනතුරුවලට යූ.එන්.පී. කාරයන් පත්කළේ ඇසිපිය හෙළනවාටත් වඩා කඩිනමින්ය. අද ද ඒ දේවල් ඒ ලෙසින්ම සිදුවෙමින් පැවතීම කනගාටුදායකය. ඒ තරමටම "සුරකිමු ශ්‍රී ලංකා" කාරයන් "රම්පෙ - කරපිංචා" ගානට වැටී ඇත. එජාපය හැමදාම හිටියේ පාක්‍ෂිකයා සමගය. ඔවුන්ට කිසිදු සුදුසුකමක්‌ අවශ්‍ය නැත. 

නැහැදිච්චකමේ ශාපය අදත් ඉහවහා ගොස්‌ ඇත. දේශපාලන තාච්චියේ තෙල් කොයි තරම් රත්වුණත් "සුරකිමු ශ්‍රී ලංකා" සංවිධානයේ සාමාජිකයන්ට මෙන්ම ඉදිරිපත් කළ කොන්දේසිවලට ද තවමත් දෙවියන්ගේම පිහිට පමණය. පිච්චෙන රොටියක්‌ ද නැත.

විධායක බලතල අහෝසිය වෙනුවට හෙට එන්නේ ඒවා සුන්නත් කිරීමකි. 17 ගැන තවමත් කතා නැත. දූෂිතයන්ට එරෙහිව නීතිය ක්‍රියාත්මක කිරීම තවමත් පැමිණිලිවලට හා රටින් පිටවීම තහනම්ය යන්නට පමණක්‌ සීමා වී ඇත. දින 100 වැඩසටහන ද අල බහිනකම් ඉන්න පුළුවන් නම් අල තැම්බෙන කම් ඉන්න බැරි ඇයි? න්‍යායට සීමා වී ඇත. සියල්ලක්‌ එසේ සිදුවෙද්දී රනිල් වික්‍රමසිංහ මහතා ඇතුළු යූ. එන්. පී. නඩය අහම්බෙන් ලත් සියලු වරදාන - වරප්‍රසාද, තනතුරු, පසුගිය රජයේ හොරුන්ටත් බෙදමින්, ගෙවල්වලට නාකිවෙමින් සිටි තමන්ගේ නඩයටත් බෙදමින් ගිල දමන්නේ" තිත්තයාගේ වාරය" මොනවට රඟදක්‌වමින්ය. එය අපේ පැත්තෙන් අපට ඇද වුණාට ඔවුන්ගේ පැත්තෙන් ඔවුන් කෙලින්ය. සාධාරණ සමාජයක්‌ සඳහා වූ ජාතික ව්‍යාපාරයේ සෝභිත නාහිමියන්ට - පිවිතුරු හෙටක්‌ සංවිධානයේ රතන නාහිමියන්ට රනිල් මොන ආර්ථික ඔස්‌තාර් කෙනෙක්‌දැයි අසන සරත් ෆොන්සේකා මහතාට, රැස්‌වීම්වල කතා කළේ අපි රැස්‌වීම් දෙක තුනකට ආපු උන් උඩය"යි කියන අසාත් සාලි මහතාට, යහපාලනයක්‌ වෙනුවෙන් දරදිය සැපයූ සුරකිමු ශ්‍රී ලංකා සංවිධානයේ අපට, සිදුවී තිබෙන්නේ ගිනි තපිමින් බලා සිටින්නටය. 

මෛත්‍රී ස්‌ටෝස්‌වල බඩුත් ෂුවර් නැතැයි ජනතා විමුක්‌ති පෙරමුණ මුල සිටම කළ ප්‍රකාශය අද හෙලවෙමින් තිබීම ඇත්තෙන්ම පුදුම සහගතය. 

චෝදනා ලාභී ක්‍ෂෙනුකා සෙනෙවිරත්න යළි තානාපති සේවයේ පිහිටුවීම, අර්ජුන් මහේන්ද්‍රන් බැංකු බැඳුම්කරණය එක්‌ එක්‌ අඳුරු පැතිකඩවල්ය. මහේන්ද්‍රන්ගේ බැංකු සිද්ධිය පිළිබඳ පරීක්‍ෂණයට දමා ඇත්තේද සිරිකොතේම "හරිම බඩු තුනක්‌ය" මේ සියල්ලක්‌ මෙසේ සිදුවන්නේ යහපාලනයට අරක්‌ගත් මෛත්‍රීගේ හැදිච්චකමට වඩා එජාපයේ නැහැදිච්චකම යහපාලනය තුළ දලු දමා තිබීම නිසාය. ඒ නැහැදිච්චකමට කවදා තිත වැටේදැයි ගිනි තපිsමින් අපි බලා සිටින්නෙමු. බැහැපු අල කවදා හෝ තැම්බෙනු ඇත. 

"රොටිය" නම් පිච්චෙන පාටක්‌ පේනතෙක්‌ මානයකවත් නැත. ඒ අරමුණු හා බලාපොරොත්තු ඉටුවීම ප්‍රමාද වන්නට ප්‍රමාදවන්නට එහි වැඩි වාසිය ජනතා විමුක්‌ති පෙරමුණට හිමිවීම කිරෙන් දිය වෙන් කළත්, නැහැදිච්චකමින් හැදිච්ච කම වෙන්කරන්නට හංසයාටත් බැරි බව අවංකවම ප්‍රකාශ කරන්නේ එජාපයේ දේශපාලනය ඒ තරමටම ජරාජීර්ණ වී ඇති බව කෙලින්ම පෙනෙන්නට තිබෙන නිසා බව අවසාන වශයෙන් ප්‍රකාශ කරන්නෙමි.

ආරියපාල ආරච්චිගේ ගමගේ

දිවයින 21 03 2015

"වාලුකා සිතුවිලි" විරාමයකට......දින 100 කට පස්සෙ යහ පාලනයෙන් හමුවෙමු....

වාලුකා කාන්තාරෙ ජීවත් වෙමින් මැදපෙරදිග ජන ජීවිතය හා භාවිතය මෙන්ම ලාංකික සමාජ, දේශපාලන හා සංස්කෘතික සිද්ධීන් පාදක කොට ලියැවෙන කතිකාවක් ගොඩනගන්න සෙරන්ඩිබ් ඔටුව පටන් ගත්තෙ හරියටම අවුරුද්දකට කලිං.

ඒ කියන්නෙ හරියටම 2014 ජනවාරි මාසෙ.



චොකා බයිලා මැද්දේ... සැමරූ සුනාමියේ සද්දේ...
http://otukatha.blogspot.com/2014/01/blog-post.html

සුනාමිය සමරන්න හැතැප්ම ගව් ගාණක් දුරු රට ඉඳං බාධක කම්කටොලු මැද්දෙ තම හැකි පමණින් කැප වුණ ආදරණීය මිනිසුන් ගැන ලියන්න පටං අරං ඊට පස්සෙ මැදපෙරදිග කතිකාවෙන් ඔබ්බට ගියා.

ගහපු පදයකුත් නැත්තේ...... බෙරේ පලුවකුත් නැත්තේ........

http://otukatha.blogspot.com/2014/02/blog-post_20.html

ලාංකික දේශපාලන හැලහැප්පිලි ගැන විවෘත කතා බහක් ආරම්භ කළා.
මේව ගොඩක් ඈයො කතා කරන්න පැකිළෙනව තමයි.
ඒත් සෙරන්ඩිබ් ඔටුවට බලෙන් දා ගත්ත සීමා මායිම් නැහැනෙ.

ඒ අව්අස්සෙ වැඩි‍යෙන්ම නැගල ගියේ
තන පුක දැක නිළියන්නේ.....අනේ අපොයි නළියන්නේ.....
http://otukatha.blogspot.com/2014/02/blog-post_13.html

තන පුක කිව්ව ගමන් කට්ටිය පොර කකා ඔය කියවල තියෙන්නේ්...

හැබැයි ඕකත් රැල්ලට ගිය කතා බහක් නම් ‍නොවෙයි ඔං....

ජ්‍යොතිෂකාරයන්ට රැවටෙන්නෝ........ රැවටි රැවටි වැනසෙන්නෝ..........
http://otukatha.blogspot.com/2014/03/blog-post_20.html

ජ්‍යෝතිෂකාරයන්ට රැවටෙන්න එපා කිව්ව කතාව නං ඕන් එළිපිටම සිද්ධ වුණා. ‍ජ්‍යෝතිෂකාරයන්ගේ බයිල වලට රැවටිලා මදැයි තව අවුරුදු දෙකක් ඉන්න එක නැති කොර ගත්ත.

ඔවයින් අපේ ජනතාව පාඩම් ඉගෙන ගනීද මංදාාාා....

සිරි දළදා හාමුදුරුවන්වත් විකුණාගෙන කන බඩගෝස්තරවාදියෝ.............
http://otukatha.blogspot.com/2014/03/blog-post_9.html

බඩගෝස්තරය ගැනම හිතාගෙන පැත්තක අරක්කු බාර් එකක් පවත්තගෙන යන ගමන්   තිරේට වැඩම කරල ඉන්න දළදා වහන්සෙ වැඳ පුදාගෙන නිවන් යන්න චිත්‍රපට ශාලාවට එන්න කියල ප්‍රසිද්ධ මාධ්‍යවලින් කටමැත දොඩවන සිංහල සිනමා භක්ෂකයො ගැනත් සෙරන්ඩිබ් ඔටුව කතා කලා ඕං...

කාන්තාවන් මැදපෙරදිග වහල් සේවයට යාම තහනම් කරනු.
කිව්වෙ හේතු සාධක ඇතිව.
ගෘහ මූලික පොන්නයොයි...... දේශපාලන පොන්නයොයි....

http://otukatha.blogspot.com/2014/04/blog-post_12.html

මේ පොන්න වැඩේ යහපාලනයෙන්වත් නවත්තල දාන්නෙ නැත්තෙ මේ අහිංසකයින්ගෙන් යහපාලනකාරයො රට රැකගන්න බලන් ඉන්න හිංදද.....

තවත් කළු ජූලියකට අතවනන මෘගයිනි.......! තොපිට හෙන පිට හෙන.....

http://otukatha.blogspot.com/2014/06/blog-post.html

රටක් විදිහට ම්ලේච්ඡත්වය විදහා දැක්වූ තිරිසන් 80 කළු ජූලියක් නැවත ඇතිවන්නට යන බව දැක ඒ පසුපස ඉන්නා මෘගයින්ට හෙන ඉල්ලීමට සෙරන්ඩිබ් ඔටුවා පැකිළුණේ නැහැ.

"නාමල්ගේ ලියුමට කැම්පස් යන්නත් පුළුවන්" නොහොත් ක්ෂණයෙන් රෙද්ද කඩාගත් ක්ෂණිකා නෝනා...."

http://otukatha.blogspot.com/2014/08/blog-post_18.html

දේශපාලුවන්ගේ අන්තනෝමතිකත්වයට යට වන උගත් යැයි කියාගන්නා නෝනලා සහ මහත්තුරු ගැන අශීලාචාර කතාව නොලියාම නොහැකි වුණා.

සම්මාන සහ අවමාන නොහොත් ලේඛකයන්ගේ පුක බිම ඇනීම

http://otukatha.blogspot.com/2014/09/blog-post.html

සාහිත්‍යයේ අලකලංචි ගැන මැදිහත් වෙන්නත් සෙරන්ඩිබ් ඔටුව අමතක කළේ නැහැ.

විශ්වවිද්‍යාලයට බහිරව සංස්කෘතියක් ගෙනෙන එස්.බී. නම් බහිරවයා.....

http://otukatha.blogspot.com/2014/10/blog-post_27.html

සරසවි සිසුන්ට වින කැටූ හිටපු ශිෂ්‍ය නායකයෙකු වූ අම්බරුවා ගැන අපුලෙන් ලියූ ලියවිල්ලක්....

ආඬි හත්දෙනාගේ කැඳහැලිය නොහොත් මෛත්‍රී ජවුසම...........

http://otukatha.blogspot.com/2015/01/blog-post_7.html

ආඬි හත් දෙනාගෙ කැඳහැලිය කිව්ව අනාවැකිය ඔය පෙන්නේ...
එක එකා එක එක කතා..

යහ පාලනයට එක් වූ රාජිතගේ...... * ප්‍රා * ඝාතන පැටිකිරිය ඔන්න බොලේ එළියට ඇදිලා.....

http://otukatha.blogspot.com/2015/01/blog-post_25.html

රාජිතගෙ පැටිකිරිය දිග අරින්න ගියොත් ඔටුකතා දුසිං ගාණක් වුණත් ලියන්න පුළුවනි. 

හැබැයි ඉතිං බඩගියා වගේ තමයි ඕං....

දින 100යේ පැණි වරකා ගහට හෙණ වැදීම නොහොත් ආඬි හත් දෙනාගේ කැඳ හැළියේ විගඩම

http://otukatha.blogspot.com/2015/01/100_29.html

පැණි වරකා ගහටත් හෙණ වදිනව කියන එක ඉතිං ඉපැරණි උපහැරණයක්නෙ බොලල්ලා. 

ඉතිං ඔන්න ඔටුවටත් මේ විගඩං දැකල පණ පලයං පෙරේදා කියල හිතුණා.

ඒ හංදා ටික කාලෙකට දෙන දෙයක් කාල වෙන දෙයක් බලං ඉන්න හිතුවා.

ඔන්න ඉතිං....

"වාලුකා සිතුවිලි" විරාමයකට......දින 100 කට පස්සෙ යහ පාලනයෙන් හමුවෙමු....

- සෙරන්ඩිබ් ඔටුවා